Litva 1,6 million yevroga Germaniyadan 168 ta M577 bronetransportyorini xarid qiladi, deb yozadi “Korrespondent.net”.
Litva va GFR mudofaa boshqarmalarining vakillari 30-noyabr, chorshanba kuni Vilnyusda tegishli bitimni imzoladi.
Bitimga muvofiq, Litva armiyasi bronetransportyorlarini kelgusi ikki yil davomida bir necha partiyada qabul qilib oladi. Bundesver mashinalar bilan komplektda zaxira qismlari, texnik xizmat ko‘rsatish asboblari va ekipaj uchun aslaha-anjomlarni ham Litvaga yetkazadi.
Bundan tashqari, Litva Germaniyada 21 ta o‘ziyurar gaubitsa, 88 ta Boxer bronetransportyori va Daimler avtokonserni tomonidan ishlab chiqarilgan 340 ta vezdexod sotib olganligi ma’lum qilinmoqda. Ularni yetkazib berish 2017-yildan 2021-yilgacha bo‘lgan davrga mo‘ljallangan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)