Angela Merkel Germaniyada yashash huquqini qo‘lga kiritmagan 100 mingga yaqin muhojir mamlakatni yil oxiriga qadar tark etishiga umid qilmoqda. Bu haqda Germaniyaning Die Welt gazetasi ma’lum qildi, deb yozadi “TASS”.
Nashr xabar qilishicha, Merkel mazkur 100 ming muhojirning uchdan bir qismi Germaniyadan majburiy chiqarib yuborilishini ma’lum qilgan. Uning rejalariga ko‘ra, muhojirlarning yana 60 mingi federal hukumat tomonidan yo‘lga qo‘yilgan, qaytish ko‘zda tutilgan dasturlar doirasida mamlakatni ixtiyoriy tark etadi.
Kansler alohida javobgarlikni federal yerlar hukumatiga yukladi. Ular qanday yo‘l bilan bo‘lmasin, boshpana berish rad etilgan muhojirlarni deportatsiya qilishi kerak.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)