Saudiya Arabastoni OPEK (neft qazib chiqaruvchi mamlakatlar tashkiloti) va ushbu kartelga kirmaydigan neft ishlab chiqaruvchi mamlakatlar o‘rtasidagi muzokaralarda qatnashmaydi. Bu haqda Reuters OPEKdagi manbalariga tayanib xabar berdi, deb yozadi “RBK”. Ushbu muzokaralarda ishtirok etishdan bosh tortish sabablariga aniqlik kiritilmayapti.
Uchrashuv 28-noyabrga belgilangan bo‘lib, Venada o‘tkaziladi. Ishtirokchilar orasida Rossiya vakillari ham bo‘ladi.
Saudiya Arabistonining 28-noyabrdagi muzokaralarda ishtirok etmasligi haqida Bloomberg agentligi ham OPEKdagi ikki delegatga asoslanib ma’lum qildi. Agentlik manbalariga ko‘ra, Ar-Riyodning ishtirok etishdan bosh tortishiga OPEK ichida hali kelishuvga erishilmagani sabab bo‘lgan.
Kartelga kirmaydigan mamlakatlar bilan uchrashuv OPEKning o‘z uchrashuvidan ikki kun oldin bo‘lib o‘tishi kerak. 30-noyabr kuni Venada kartel mamlakatlari avvalroq Jazoirda qabul qilingan neft qazib olish hajmini qisqartirish shartlarini uzil-kesil kelishib olishi kerak (o‘shanda kartelda neft qazib olish hajmi sutkasiga 32,5—33 million barrelgacha kamaytirilgan edi).
Izoh (0)