Qashqadaryo viloyatidagi “Yoshlar markazi”da “Kamolot” yoshlar ijtimoiy harakati viloyat Kengashi tashabbusi bilan O‘zbekiston Respublikasi Madhiyasi matni muallifi, O‘zbekiston Qahramoni va xalq shoiri Abdulla Oripov xotirasiga bag‘ishlangan adabiy kecha bo‘lib o‘tdi. Bu haqda “Kamolot” YoIH Qashqadaryo viloyat Kengashi matbuot xizmati xabar berdi.
Tadbirda istiqlol yillarida O‘zbekiston milliy adabiyoti va madaniyatini rivojlantirish, xalq ma’naviyatini yuksaltirish, yosh avlodni Vatanga muhabbat, milliy qadriyatlarga hurmat ruhida tarbiyalashga munosib hissa qo‘shgan ijodkorlar mehnati qadrlanayotgani ta’kidlandi.
O‘zbekiston xalq shoiri Abdulla Oripov xotirasiga bag‘ishlangan adabiy kechalar, ma’naviy-ma’rifiy tadbirlar viloyatdagi ta’lim muassasalari va mahallalarda ham o‘tkazilmoqda.
Abdulla Oripov davomli xastalikdan so‘ng 2016-yil 5-noyabr kuni AQShning Texas shtatida vafot etgan edi. 10-noyabr, payshanba kuni esa Toshkentdagi “Chig‘atoy” qabristoniga dafn etildi.
Izoh (0)