Buyuk Britaniya shahzodasi Garri amerikalik aktrisa Megan Markl bilan uchrasha boshladi. U yangi dugonasini akasi, shahzoda Uilyam hamda uning rafiqasi Keyt Middltonga tanishtirdi, deb xabar beradi Daily Mirror.
Juftlik joriy yilning may oyida, shahzoda Torontoda o‘zining Invictus Games sport loyihasini targ‘ib qilayotganida tanishdi. O‘sha paytda bu shaharda Megan Markl rol ijro etayotgan Suits teleseriali suratga olinayotgan edi.
32 yoshli shahzoda aktrisaning Instagram’dagi sahifaga obuna bo‘lgani ta’kidlanmoqda.
35 yoshli Marklning vakillari yangilikka hali izoh bermadi. O‘z navbatida, Kensington saroyi vakillari OAV bilan shahzodalarning shaxsiy hayoti muhokama qilinmasligini aytdi.
Izoh (0)