Iroq bosh vaziri Haydar al-Abadiy kuchlarni taqsimlash uchun Mosulga hujum to‘xtatilgani haqidagi xabarlarni inkor etdi. Bu haqda, “As-Sumariya” telekanaliga tayanib, “TASS” ma’lum qildi.
“Mosul uchun jang davom etmoqda, shaharni jangarilardan tozalamaguncha ortga qaytish yo‘q. Hujum frontlardan hech birida to‘xtatilmagan”, — bayonot berdi bosh vazir.
Xalqaro koalitsiya vakili 28-oktabr, juma kuni Iroq qo‘shinlari bir qator yo‘nalishlarda kuchlarni taqsimlash uchun ikki kunlik tanaffus olganini bildirgandi. Biroq mamlakat mudofaa vazirligi va aksilterror bo‘linmalari operatsiya vaqtincha to‘xtatilishi haqida buyruq berilmaganini ta’kidlamoqda.