Futbol bo‘yicha Ispaniya La Ligasining 9-turidan keyin peshqadamlik Madridning “Real” klubi qo‘liga o‘tdi.
“Atletiko”ning “Sevilya”ga qarshi o‘yinda ochko yo‘qotishi “Real”ga qo‘l keldi. O‘z maydonida Bilbaoning “Atletik” klubini qabul qilgan Zidan jamoasi 2:1 hisobida zafar quchdi. Bellashuvda hisob Karim Benzema tomonidan ochilgan bo‘lsa, g‘alaba goli aynan uning o‘rniga maydonga tushgan Alvaro Morataga tegishli bo‘ldi.
Avvalroq Kataloniyaning “Barselona” klubi “Valensiya” maydonida o‘z irodasini namoyish etib, turnir jadvalida 3-o‘ringa ko‘tarilib olgandi.
Ispaniya La Ligasi 9-tur bellashuvlari 23-oktabr, yakshanba
“Vilyarreal” — “Las-Palmas” 2:1
Gollar: Kevin-Prins Boateng, 31 (0:1). Nikola Sansone, 64-pen (1:1). Sedrik Bakambyu, 90+2 (2:1).“Malaga” — “Leganes” 4:0
Gollar: Xoni, 40-pen (1:0). Chori Kastro, 42 (2:0). Sandro Ramires, 57 (3:0). Ignasio Kamacho, 90+2 (4:0).“Real Madrid” — “Atletik” 2:1
Gollar: Karim Benzema, 7 (1:0). Merino Sabin, 27 (1:1). Alvaro Morata, 83 (2:1).“Sevilya” — “Atletiko” 1:0
Gol: Stiven N’Zonzi, 73 (1:0).Chetlatish: Koke, 77 (A).
Izoh (0)