YChL. “Real”dan yirik, “Yuventus”dan irodali, “Lester”dan esa minimal hisobdagi g‘alaba (video)

18-oktabr kuni futbol bo‘yicha Yevropa Chempionlar Ligasining 4 ta guruhida 3-tur bellashuvlariga yakun yasaldi va uning doirasida 8 ta uchrashuv bo‘lib o‘tdi.

Moskvaning “SSKA” klubi 3-turga kelib birinchi g‘alabasini qo‘lga kiritishga yaqin turgandi. “Monako”ga qarshi bellashuvning 87-daqiqasiga kelib “armiyachilar” o‘z darvozasidan gol o‘tkazib, tayyor g‘alabani qo‘ldan chiqardi. Guruhdagi ikkinchi o‘yinda “Bayer” va “Tottenhem” klublari murosa ko‘chasini tanladi.

Yevropa Chempionlar Ligasi “E” guruhi. 3-tur 18-oktabr, seshanba

“SSKA” (Angliya) — “Monako” (Rossiya) 1:1

Gollar: Lasina Traore, 34 (1:0). Bernardu Silva, 87 (1:1).

“Bayer” (Germaniya) — “Tottenhem” (Angliya) 0:0

Madridning “Real” klubi “Legiya”ni 5:1 hisobida taslim qildi. Mazkur bellashuvda Krishtianu Ronaldu va Karim Benzema kabi yetakchi futbolchilarga gol urish nasib qilmadi. Dortmundning “Borussiya” klubi esa Portugaliyadan 3 ochko bilan qaytdi.

Yevropa Chempionlar Ligasi “F” guruhi. 3-tur 18-oktabr, seshanba

“Real” (Ispaniya) — “Legiya” (Polsha) 5:1

Gollar: Garet Beyl, 16 (1:0). Tomash Yodlovets, 20-avt (2:0). Miroslav Radovich, 22-pen (2:1). Marko Asensio, 37 (3:1). Lukas Vaskes, 68 (4:1). Alvaro Morata, 84 (5:1).

“Sporting” (Portugaliya) — “Borussiya D” (Germaniya) 1:2

Gollar: Pyer-Emerik Obameyang, 9 (0:1). Yulian Vaygl, 43 (0:2). Bruno Sezar, 67 (1:2).

“G” guruhida Chempionlar Ligasining debyutanti “Lester” yuz foizlik natija qayd etib turibdi. Riyod Mahrezning yagona goli “tulkilar”ning g‘alabasiga sababchi bo‘ldi. O‘tgan turda ham zafar quchgan “Lester” o‘zining debyut mavsumida ketma-ket ikki o‘yinda g‘olib chiqqan Angliyaning birinchi jamoasiga aylanib olgandi.

Yevropa Chempionlar Ligasi “G” guruhi. 3-tur 18-oktabr, seshanba

“Lester” (Angliya) — “Kopengagen” (Daniya) 1:0

Gol: Riyod Mahrez, 40 (1:0).

“Bryugge” (Belgiya) — “Portu” (Portugaliya) 1:2

Gollar: Yelle Vossen, 12 (1:0). Migel Layyun, 68 (1:1). Andre Silva, 90+3-pen (1:2).

“H” guruhida Turinning “Yuventus” klubi o‘z irodasini namoyish qildi. Lionda mehmon bo‘lgan Massimiliano Allegri jamoasi 35-daqiqada penalti bilan yuzlashgan bo‘lsa, 54-daqiqaga kelib maydonda bir kishi kam bo‘lib qoldi. Shunga qaramay turinliklar 76-daqiqaga kelib hisobda oldinga chiqib oldi va bu ustunlikni o‘yin yakuniga qadar saqlab qoldi.

Yevropa Chempionlar Ligasi “H” guruhi. 3-tur 18-oktabr, seshanba

“Dinamo Z” (Xorvatiya) — “Sevilya” (Ispaniya) 0:1

Gol: Samir Nasri, 37 (0:1).

“Lion” (Fransiya) — “Yuventus” (Italiya) 0:1

Gol: Xuan Kuadrado, 76 (0:1).Noaniq penalti: Aleksandr Lyakazett, 35 (L).Chetlatish: Mario Lemina, 54 (Y).