ЕЧЛ. «Реал»дан йирик, «Ювентус»дан иродали, «Лестер»дан эса минимал ҳисобдаги ғалаба (видео)

18 октябрь куни футбол бўйича Европа Чемпионлар Лигасининг 4 та гуруҳида 3-тур беллашувларига якун ясалди ва унинг доирасида 8 та учрашув бўлиб ўтди.

Москванинг «ЦСКА» клуби 3-турга келиб биринчи ғалабасини қўлга киритишга яқин турганди. «Монако»га қарши беллашувнинг 87-дақиқасига келиб «армиячилар» ўз дарвозасидан гол ўтказиб, тайёр ғалабани қўлдан чиқарди. Гуруҳдаги иккинчи ўйинда «Байер» ва «Тоттенҳэм» клублари муроса кўчасини танлади.

Европа Чемпионлар Лигаси «E» гуруҳи. 3-тур 18 октябрь, сешанба

«ЦСКА» (Англия) — «Монако» (Россия) 1:1

Голлар: Ласина Траоре, 34 (1:0). Бернарду Силва, 87 (1:1).

«Байер» (Германия) — «Тоттенҳэм» (Англия) 0:0

Мадриднинг «Реал» клуби «Легия»ни 5:1 ҳисобида таслим қилди. Мазкур беллашувда Криштиану Роналду ва Карим Бензема каби етакчи футболчиларга гол уриш насиб қилмади. Дортмунднинг «Боруссия» клуби эса Португалиядан 3 очко билан қайтди.

Европа Чемпионлар Лигаси «F» гуруҳи. 3-тур 18 октябрь, сешанба

«Реал» (Испания) — «Легия» (Польша) 5:1

Голлар: Гарет Бэйл, 16 (1:0). Томаш Йодловец, 20-авт (2:0). Мирослав Радович, 22-пен (2:1). Марко Асенсио, 37 (3:1). Лукас Васкес, 68 (4:1). Алваро Мората, 84 (5:1).

«Спортинг» (Португалия) — «Боруссия Д» (Германия) 1:2

Голлар: Пьер-Эмерик Обамеянг, 9 (0:1). Юлиан Вайгл, 43 (0:2). Бруно Сезар, 67 (1:2).

«G» гуруҳида Чемпионлар Лигасининг дебютанти «Лестер» юз фоизлик натижа қайд этиб турибди. Риёд Маҳрезнинг ягона голи «тулкилар»нинг ғалабасига сабабчи бўлди. Ўтган турда ҳам зафар қучган «Лестер» ўзининг дебют мавсумида кетма-кет икки ўйинда ғолиб чиққан Англиянинг биринчи жамоасига айланиб олганди.

Европа Чемпионлар Лигаси «G» гуруҳи. 3-тур 18 октябрь, сешанба

«Лестер» (Англия) — «Копенгаген» (Дания) 1:0

Гол: Риёд Маҳрез, 40 (1:0).

«Брюгге» (Бельгия) — «Порту» (Португалия) 1:2

Голлар: Елле Воссен, 12 (1:0). Мигел Лайюн, 68 (1:1). Андре Силва, 90+3-пен (1:2).

«H» гуруҳида Туриннинг «Ювентус» клуби ўз иродасини намойиш қилди. Лионда меҳмон бўлган Массимилиано Аллегри жамоаси 35-дақиқада пенальти билан юзлашган бўлса, 54-дақиқага келиб майдонда бир киши кам бўлиб қолди. Шунга қарамай туринликлар 76-дақиқага келиб ҳисобда олдинга чиқиб олди ва бу устунликни ўйин якунига қадар сақлаб қолди.

Европа Чемпионлар Лигаси «H» гуруҳи. 3-тур 18 октябрь, сешанба

«Динамо З» (Хорватия) — «Севилья» (Испания) 0:1

Гол: Самир Насри, 37 (0:1).

«Лион» (Франция) — «Ювентус» (Италия) 0:1

Гол: Хуан Куадрадо, 76 (0:1).Ноаниқ пенальти: Александр Ляказетт, 35 (Л).Четлатиш: Марио Лемина, 54 (Й).