O‘zbekiston milliy terma jamoasi a’zosi Sardor Rashidov Osiyo Chempionlar Ligasining final uchrashuvida to‘p suradigan birinchi o‘zbek futbolchisiga aylanishi mumkin. Buning uchun musobaqaning yarim finalida “Al-Jaish” BAAning “Al-Ayn” klubini mag‘lub etishi kerak.
Tomonlarning “Al-Ayn” maydonida bo‘lib o‘tgan dastlabki o‘yini mezbonlarning 3:1 hisobidagi g‘alabasi bilan yakuniga yetgan bo‘lib, qatarliklarning yagona goliga aynan Rashidov mualliflik qilgandi. Bugun — 18-oktabr kuni yarim finalning javob o‘yini “Al-Jaish” maydonida bo‘lib o‘tadi.
Ma’lumot uchun, O‘zbekiston klublari Osiyo Chempionlar Ligasining yarim finaliga qadar uch bor yetib kelgan. “Bunyodkor” 2008 va 2012-yilgi mavsumda bunga muvaffaq bo‘lgan, “Paxtakor” esa 2003-yilgi mavsum yarim finalda o‘ynagan. Musobaqaning final uchrashuvida to‘p surish o‘zbekistonlik futbolchilardan hech biriga nasib qilmagan.
Izoh (0)