O‘zbekiston milliy terma jamoasi hujumchisi Igor Sergeyev Xitoyning “Beytszing Goan” klubi safiga borib qo‘shilganidan buyon ilk golini urdi, deb yozdi “Championat.asia”.
Xitoy Super Ligasining 27-turida “Beytszing Goan” “Chanchun Yatai” mehmoni bo‘ldi va 1:2 hisobida imkoniyatni boy berdi. Uchrashuvda hisob 18-daqiqada aynan Sergeyevning goli bilan ochilgan bo‘lsa-da, uning jamoasi g‘alabani saqlab qola olmadi. O‘zbekistonlik Yegor Krimets va Igor Sergeyev to‘liq — 90 daqiqa maydonda harakat qildi.
“Chanchun Yatai” safida esa milliy terma jamoaning boshqa bir futbolchisi Anzur Ismoilov to‘liq o‘ynadi.
Sergeyev so‘nggi bor 30-iyun kuni O‘zbekiston Oliy Ligasi doirasida “Obod” darvozasiga gol urgan bo‘lib, shundan keyin birorta uchrashuvda raqib darvozasiga yo‘l topa olmagandi.
Izoh (0)