YuNESKO bosh direktori 2016-yilgi tinchlik bo‘yicha Nobel mukofotining Kolumbiya prezidenti Xuan Manuel Santos Kalderonga berilishini iliq kutib oldi. Bu haqda tashkilotning Parijdagi shtab-kvartirasi tarqatgan bayonotda aytildi, deb xabar beradi “TASS”.
“Nobel qo‘mitasining prezident Xuan Manuel Santos Kalderonning va Kolumbiyaning tinchlikka erishish bo‘yicha tarixiy tashabbusini taqdirlash qarori — qit’a va butun dunyoda tinchlik yo‘lida birlashishga bo‘lgan qudratli chaqiriqdir”, — deyiladi bayonotda.
Ta’kidlanishicha, “yarim asr mobaynida urush, qochqinlar va ulkan qiynoqlardan aziyat chekkan Kolumbiyaga ushbu mukofotning berilishi tinchlikka erishish mumkinligini ko‘rsatdi”.
Kolumbiya prezidenti mamlakat hukumati va Kolumbiya inqilobiy qurolli kuchlari so‘l radikal guruhi o‘rtasidagi ixtilofni bartaraf qilish yo‘lidagi harakatlari uchun Nobel mukofotiga loyiq ko‘rildi.
Izoh (0)