Тошкентдаги Инҳа университети талабалари Жанубий Кореянинг Чеджу провинциясида бўлиб ўтган математика фестивалида иштирок этди. Бу ҳақда «Infocom.uz» хабар бермоқда.
Муҳриддин Исмоилов ва Улуғбек Абдуллаев фестивалда «Ўзбекистонда математика маданияти» номли махсус стендни тақдим этди. Мазкур стенд ўқув юртида дарс берган профессор Парк Жинам ёрдамида тайёрланди.
Университет талабалари Ўзбекистоннинг тарихий ва замонавий бинолари, улардан ўрин олган нақшлар фотосуратларини тайёрлади. Шунингдек, мазкур бинолар ҳақидаги маълумотлар тақдим этилди.
Талабалар Ўзбекистон стенди анжуманга келганларда катта қизиқиш уйғотганини таъкидламоқда.
Изоҳ (0)