Surxondaryoda san’atkorlar terimchilar uchun ko‘ngilochar tadbirlar uyushtirmoqda

Surxondaryo viloyat madaniyat va sport ishlari boshqarmasi tashabbusi bilan dalalarda taniqli ijodkor va san’atkorlar bilan qiziqarli uchrashuvlar tashkil etilmoqda, deb xabar beradi O‘zA. Jumladan, Mannon Uyg‘ur nomidagi Surxondaryo viloyat musiqali drama teatri, “O‘zbeknavo” estrada birlashmasi viloyat bo‘limi, tuman va shahar madaniyat uylari san’atkorlari ishtirokida o‘tkazilayotgan tadbirlardan terimchilar mamnun.

Mannon Uyg‘ur nomidagi Surxondaryo viloyati musiqali drama teatri san’atkorlari Angor, Sherobod, Muzrabot, Qiziriq tumanlarida bo‘lib, dala mehnatkashlariga madaniy xizmat ko‘rsatmoqda. Qiziqarli sahna asarlaridan parchalar namoyish etmoqda.

“Dehqonlarimizning zahmatli mehnatlari evaziga yetishtirilgan hosilni qisqa muddatlarda yig‘ib-terib olish barchamizga katta mas’uliyat yuklaydi, — dedi teatr bosh rejissori Mansur Ravshanov. — Ayni paytda belgilangan dastur asosida terimchilarning ko‘ngilli madaniy xordiq chiqarishiga alohida e’tibor qaratmoqdamiz. El suygan san’atkorlar tumanlarda bo‘lib, paxtakorlar bilan uchrashmoqda. Rang-barang konsert dasturi va turli sahna asarlaridan parchalar namoyish etib, terimchilarning madaniy hordiq chiqarishiga xizmat qilayotir”.