Ajariya avtonom respublikasi qishloq xo‘jaligi vaziri o‘rinbosari Ruslan Koridze va vazirlik axborot-maslahat departamenti boshlig‘i Karlo Keklidzedan iborat Gruziya delegatsiyasi sitrus mevalari eksporti imkoniyatlari taqdimotini o‘tkazish uchun O‘zbekistonga keldi. Bu haqda “Gazeta.uz” xabar bermoqda.
Keyingi yillarda Gruziya sitrus mevalarining a’lo sifati qatoriga hosilni yig‘ishtirib olish, tashish va saqlashda zamonaviy texnologiyalar qo‘llanilayotgani ham qo‘shildi.
Ularni Rossiya, Ukrainaga eksport qilish yo‘lga qo‘yilgan, yangi bozorlar va sheriklarni topish yuzasidan faol ish olib borilmoqda.
Ruslan Koridzega ko‘ra, sitrus mevalarini yetkazib berishni yo‘lga qo‘yish masalalarini joyida hal etish maqsadida oktabr oxirida o‘zbekistonlik tadbirkorlar uchun Ajariyaga biznes-tur uyushtiriladi.
O‘zbekiston bilan bu borada hamkorlik qilishga Gruziyaning 40 ga yaqin korxonasi tayyor.
Izoh (0)