Toshkent va Seul 29-sentabr, payshanba kuni O‘zbekistonda yangi infratuzilmaviy loyihalarni amalga oshirish bo‘yicha hamjihatlik haqida memorandum imzoladi, deya xabar bermoqda “Gazeta.uz” Yonhap agentligiga tayanib.
Seuldagi ikki mamlakat moliya vazirlari muzokaralarida Rustam Azimov va Yu Il Xo iqtisodiy hamkorlikni rivojlantirish va Janubiy Koreya kompaniyalarining O‘zbekiston loyihalaridagi ishtirokini kengaytirish masalalarini muhokama qildi.
Memorandumga muvofiq, Koreya Respublikasi hukumati Hamkorlik va iqtisodiy taraqqiyot davlat fondi orqali 250 million dollar miqdorida mablag‘ ajratadi. Ushbu mablag‘lar Toshkent aeroportining yangi xalqaro terminalini qurish va milliy ma’lumotlar markazini yaratishga sarflanadi. O‘zbekiston loyihaga 100 million dollar kiritadi.
Izoh (0)