21—23-sentabr kunlari Toshkent va Namangan shaharlarida ICTWeek – 2016 axborot-kommunikatsiya haftaligi doirasida an’anaviy ICTExpo – 2016 axborot texnologiyalari milliy ko‘rgazmasi bo‘lib o‘tdi.
Ucell kompaniyasi ko‘rgazma yakuniga ko‘ra ikkita mukofot: Toshkentda – “Eng yaxshi reklama kompaniyasi”, Namanganda – “Stenddagi eng yaxshi namoyish” nominatsiyalari g‘olibi, deb topildi. Mazkur mukofotlar minglab abonentlarning kompaniyamizga bo‘lgan ishonchi va tanlovining ifodasi ham bo‘ldi, deb xabar qiladi Ucell matbuot xizmati.
Oldingi ko‘rgazmalarda Ucell kompaniyasi to‘rt marotaba “Eng ko‘p tashrif buyurilgan stend” mukofotiga sazovor bo‘lgan edi. Bu gal kompaniyaning ijodkor jamoasi namoyishga mobil texnologiyalar sohasidagi eng so‘nggi zamonaviy trendlarni hisobga olgan holda o‘ziga xos yondashdi. Joriy yil kompaniya ko‘rgazmada “Innovatsiyalar barchaga!” shiori ostida qatnashdi va bu tashrif buyuruvchilarga sohadagi so‘nggi yangiliklar bilan tanishish va mobil internetning eng yuqori tezligini baholash imkonini berdi. Ko‘rgazmada 4G texnologiyalari va xizmatlariga alohida e’tibor qaratildi. Kompaniya mutaxassislari to‘rtinchi avlod tarmog‘ining afzalliklari, xususan, bugungi kunda O‘zbekistonda Ucell tomonidan taqdim etilayotgan va Toshkent, Buxoro, Samarqand, Navoiy viloyatlarini qamrab olgan 4G tarmog‘i to‘g‘risida batafsil ma’lumot berdi. 4G xizmatidan bugungi kunda mazkur texnologiyani qo‘llab-quvvatlovchi smartfon va sim-kartaga ega bo‘lgan mijozlar foydalanmoqda. Innovatsiyalardan foydalanish uchun keng imkoniyatlar yaratayotgan kompaniya barcha xohlovchilarga o‘z sim-kartalarini 4G texnologiyasini qo‘llab-quvvatlovchi sim-kartalarga bepul almashtirish imkonini taqdim etmoqda.
Ucell kompaniyasining ICTExpo – 2016 ko‘rgazmasi doirasida o‘tkazgan aksiyasi yakuniga ko‘ra, abonentlar 150 dan ziyod qimmatbaho sovg‘a, jumladan, Android One, Samsung Galaxy Ace Style mobil telefonlari, 3G va 4G modemlarini yutib oldi.
Ucell kompaniyasi interfaol shaklda o‘zining asosiy tarif va xizmatlarini ham namoyish qildi. Ko‘rgazma doirasida “Baxtli 25” tarif rejasi, “Ko‘proq pozitiv” aksiyasi, “Mobil anons”, “1 sim-karta – ikki mamlakat”, “Raqamni bronlash” xizmatlari, “Sizni qadrlaymiz” yangi dasturi taqdim etildi.
Ucell O‘zbekistonda o‘z biznesini rivojlantirishda kompaniya xizmatidan foydalanuvchilar qiziqish va istaklarini doimo inobatga olmoqda. Diyorimizda oltin kuz fasli davom etmoqda. Ucell kompaniyasida esa sizni yana ko‘plab qiziqarli aksiyalar kutmoqda.
Reklama huquqi asosida. Xizmatlar litsenziyalangan.
Izoh (0)