Mosgosstroynadzor qurilish nazorati qo‘mitasi Rossiya poytaxtida lift qulashi oqibatida besh ishchi halok bo‘lganini tasdiqladi. Bu haqda “Interfaks” xabar bermoqda.
“Bugun (23-sentabr) muhandislik tizimlari montaji chog‘ida ustida ishchilar bo‘lgan yuk va yo‘lovchi tashiydigan ko‘targichning qulashi sodir bo‘ldi. Buning oqibatida besh kishi halok bo‘ldi”, — ma’lum qildi tashkilot matbuot xizmati.
Ta’kidlanishicha, qo‘mita xodimlari voqea joyiga yetib borgan. Ayni paytda voqea sabablari o‘rganilmoqda.
Izoh (0)