XOQ Pxenchxan–2018 tashkilotchilaridan chiptalar qallobligida gumonlanayotgan THG kompaniyasi xizmatlaridan voz kechishni so‘radi

Xalqaro olimpiya qo‘mitasi (XOQ) rahbari Tomas Bax Janubiy Koreyada bo‘lib o‘tadigan Pxenchxan–2018 qishki Olimpiya o‘yinlari tashkiliy qo‘mitasidan Rio–2016 yozgi Olimpiya o‘yinlarida chiptalarni noqonuniy ravishda tarqatgan THG kompaniyasi xizmatlaridan foydalanmaslikni so‘radi. Tomas Baxning murojaat xati matnini Inside the Games portali chop etdi, deb xabar bermoqda “TASS”.

THG kompaniyasi Irlandiya uchun Rio–2016 o‘yinlarida chiptalarni rasmiy tarqatuvchi bo‘lgan. Riodagi Olimpiadada shahar politsiyasi kompaniya vakili Kevin Mellonni Olimpiadaning eng mashhur tadbirlari uchun mo‘ljallangan 800 ta chipta bilan qo‘lga oldi. Guvohlarning bergan ko‘rsatmasiga ko‘ra, ulardan bir nechtasi Olimpiada ochilish marosimiga kirish uchun Mellon va uning sheriklariga 8 ming dollardan to‘lagan. Ushbu chiptalarning rasmiy narxi esa 450 dollar bo‘lgan.

“XOQ Pxenchxan–2018 tashkiliy qo‘mitasidan THG kompaniyasini Irlandiya uchun rasmiy tarqatuvchi bo‘lish jarayonini to‘xtatib turishni so‘radi”, – deyiladi Baxning xatida.