Huawei kompaniyasi shu yil 20-sentabrda Xalqaro biznes markazida ICT Week 2016 axborot-kommunikatsiya haftaligi doirasida boshlanadigan ICT Summit 2016 ning homiysi bo‘ladi va tashkilochilar bilan hamkorlik qiladi.
Sammitning asosiy maqsadi – jamoatchilikni axborot kommunikatsiyalari bozori yangiliklari bilan tanishtirish, keng polosali texnologiyalar tematikasini rivojlantirish, AKT sanoatida xalqaro ekspertlar bilan tajriba almashish.
– O‘zbekistonda 16 yildan ziyod vaqt davomida ishlab kelayotgan Huawei mamlakatdagi telekommunikatsion va axborot texnologiyalarning rivojlanishiga o‘z hissasini qo‘shib kelmoqda. Bugungi kunda kompaniyamiz O‘zbekiston bozorida nafaqat mobil operatorlar uchun samarali va sifatli baza stansiyalarini, balki internet sanoati rivojlanishiga yordam beradigan yangi avlod smartfonlarini ham taqdim etmoqda. Biz zamon bilan hamnafas holda odimlamoqdamiz, chunki bozorni rivojlantirmay turib top-kompaniya darajasigacha o‘sish mumkin emas. Shu bois, ushbu tadbir homiysi bo‘la turib, kompaniya bozorning barcha ishtirokchilarini O‘zbekiston yuqori texnologiyali loyihalar mamlakatiga aylanishi uchun yangi g‘oyalar, investitsion loyihalar va innovatsion texnologiyalari bilan o‘z hissalarini qo‘shishga chaqirdi, — deya ushbu voqeaga izoh bildirdi Huawei’ning O‘zbekistondagi bosh direktori janob Van Pen.
Yilning innovatsion brendi bo‘lgan Huawei kompaniyasi davlat muassasalari va kompaniyalarga davlat idoralarida natija beradigan boshqaruv va faoliyatdagi yuqori samaradorlik uchun mobil va telekommunikatsion texnologiyalardan tashqari bir qator tizimli va ma’muriy loyihalarni taklif qilmoqda. Shunday loyihalardan biri “Xavfsiz shahar” bo‘lib, kompaniya uni ichki ishlar vazirligi bilan birga ishga tushirish va aholini mamlakatdagi xavfsizlik tizimini kompleks tarzda rivojlantirish to‘g‘risida maksimal xabardor qilishni rejalashtirgan.
Shu va bir qator boshqa loyihalar bilan barcha istaganlar ICT Expo 2016 ko‘rgazmasida tanishishi mumkin. Bu tadbirning bosh homiysi esa, biz ta’kidlaganimizdek, Huawei kompaniyasi bo‘ladi. Tadbir shu yilning 20—23-sentabr kunlari “O‘zko‘rgazmasavdo” milliy ko‘rgazma majmuasi pavilyonlarida bo‘lib o‘tadi. Huawei kompaniyasi tashrif buyuruvchilar e’tiboriga bir qator yangi texnologik loyihalarini, P va Mate seriyalaridagi yuqori sifatli smartfonlarni taqdim etadi. Shuningdek, yangi loyihalar ham barchaning diqqat markazida bo‘lib, ularning muhim sohalarda joriy etilishi axborot almashish sifatini va resurslarni boshqarish samaradorligini yaxshilash imkonyatini beradi. Huawei kompaniyasi yangiliklarini kuzatib boring.
Huawei kompaniyasi haqida
Huawei kompaniyasi — jahondagi yetakchi infokommunikatsion loyihalarni yetkazib beruvchi kompaniya hisoblanib, uning maqsadi insonlarning hayotini muloqot orqali boyitishdan iborat. Mijozlarning ehtiyojlariga mo‘ljallangan innovatsion ishlanmalarimiz va rivojlangan hamkorlik tarmog‘imiz tufayli biz telekommunikatsion tarmoqlar, terminal loyihalari va bulutli hisob-kitoblar tizimlarini ishlab chiqishda yuqori natijalarga erishdik. Huawei’ning butun dunyodagi 170 ming nafar xodimi operatorlar, korxonalar va eng oxirgi foydalanuvchilarga raqobatbardosh takliflar va xizmatlarni taqdim etgani holda ular uchun maksimal foydali sharoitlarni yaratishga harakat qilmoqdalar. Sayyoramiz aholisining uchdan bir qismi 170 dan ziyod mamlakatda bizning innovatsion mahsulotlarimiz, loyiha va xizmatlarimizdan foydalanadi. 1987-yilda tashkil etilgan Huawei xususiy kompaniya hisoblanib, unga to‘liqligicha xodimlari egalik qiladi. Huawei Consumer Business Group bo‘linmasi esa 2003-yilda tashkil etilgan. U smartfonlar, planshetlar, keng yo‘lkali ochiq mobil qurilmalar hamda uy uchun loyihalarni yaratadi va ishlab chiqaradi. 2015-yilning oktabrida Huawei ikkinchi marotaba Interbrand’s Top 100 Best Global Brand reytingiga kiritildi. Huawei dunyoda smartfonlarni ishlab chiqaruvchi yetakchi kompaniyalar uchligiga kiradi.
Reklama huquqi asosida. Xizmatlar litsenziyalangan.
Izoh (0)