12-sentabr kuni Termiz shahridagi shifoxonada O‘zbekiston qadimiy shaharlarini o‘rganish, shuningdek, O‘zbekiston va Yaponiya o‘rtasidagi ilmiy aloqalar rivojiga katta hissa qo‘shgan yaponiyalik arxeolog olim Kyudzo Kato 94 yoshida vafot etdi. Bu haqda UzNews ma’lum qildi.
Kyudzo Kato 1922-yilning 18-mayida tug‘ilgan bo‘lib, Soka (Osaka) universiteti professori, tarixchi, etnograf-arxeolog, tarjimon, 20 ga yaqin ilmiy tadqiqot va maqola muallifi edi.
Ta’kidlash joizki, yapon olimi 40 yilga yaqin vaqt davomida O‘zbekistonda ilmiy tadqiqotlar o‘tkazdi. Kato Markaziy Osiyo tarixi va madaniyatiga oid bir qator asarlarga mualliflik qildi.
Professor Kato ko‘p yillar davomida Dalvarzintepa, Qoratepa va Fayoztepa shahar xarobalaridagi budda yodgorliklarini o‘rganish maqsadida uyushtirilgan xalqaro o‘zbek-yapon arxeologik ekspeditsiyalarining tadqiqotlariga rahbarlik qildi.
2002-yilda O‘zbekiston Prezidenti Islom Karimov farmoni bilan “Do‘stlik” ordeni bilan taqdirlangan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)