KXDRning Xamgyon-Pukto provinsiyasida kuchli suv toshqini oqibatida yuzlab odamlar halok bo‘ldi. Bu haqda, KXDR markaziy televidiyeniyesiga asoslanib, “TASS” xabar bermoqda.
“1945-yilda Koreyaning ozod etilishidan buyon eng kuchli tabiiy ofat oqibatida yuzlab odamlar halok bo‘ldi va bedarak yo‘qoldi”, — deya xabar bergan telekanal qurbonlar va bedarak yo‘qolgonlari soni bo‘yicha aniq raqamlarni keltirmadi.
Ikki kun avval qurbon bo‘lganlar soni 133 kishi, bedarak yo‘qolganlar soni esa 395 nafarni tashkil etayotgani haqida xabar berilgan edi. Shimoliy Koreya rasmiylari bergan ma’lumotga ko‘ra, qariyb 70 ming kishi xavfsiz joylarga evakuatsiya qilingan.
“Suv toshqini 11,6 ming binoni vayron qildi, avtomobil yo‘llarining 180 ta bo‘lagi va 60 dan ortiq ko‘priklarga jiddiy zarar yetkazdi, elektr ta’minoti va aloqa tizimini ishdan chiqardi”, — deyiladi xabarda.
Toshqinlarga sabab bo‘lgan kuchli yog‘ingarchilik KXDRga “Layonrok” bilan kirib kelgan edi. 29-avgustdan 2-sentabrgacha Xamgyon-Pukto provinsiyasiga 290—320 millimetr yog‘ingarchilik tushishi natijasida, Tumangan daryosi qirg‘oqlardan chiqib ketdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)