AQShning Florida shtati rasmiylari kasallik tashuvchi chivinlar tufayli uning hududida 35 kishi Zika virusiga chalingan deb hisoblamoqda. Bu haqda shtat gubernatori Rik Skottning 18-avgust, payshanba kuni e’lon qilingan bayonotida ma’lum qilingan, deya xabar beradi “TASS”.
“Floridada Zika virusining lokal tarqalishi holatlari umumiy soni 35 kishiga yetdi”, — deyiladi mazkur hujjatda.
Ta’kidlash joizki, Florida hududida mazkur virus tarqalgan AQShdagi yagona shtat hisoblanadi. Rasmiy ma’lumotlarga ko‘ra, kasallikni chivinlar tarqatmoqda. Ularni yo‘q qilish uchun Floridada pestitsidlar va maxsus tuzoqlar qo‘llanmoqda. Rasmiylar, shuningdek, aholiga chivinlarga qarshi vositalar ham tarqatmoqda.
Izoh (0)