O‘zbekistonning ayrim hududlarida 13-avgust, shanba kuni qisqa muddatli yog‘ingarchilik va kuchli shamol kuzatilishi mumkin. Bu haqda “O‘zgidromet” markazi xabar bermoqda.
Xabar berishlaricha, 13-avgust kuni O‘zbekistonning tog‘li hududlarida havo harorati +26...+31 daraja, Farg‘ona vodiysi viloyatlarida +33...+38 daraja, Toshkent shahrida +37...+39 daraja, qolgan hududlarda +35...+40 daraja issiq bo‘ladi.
Shu kuni Samarqand, Jizzax, Sirdaryo viloyatlarida shamolning tezligi soniyasiga 15—20 metrgacha kuchayishi, O‘zbekistonning tog‘li hududlari hamda Toshkent, Andijon, Namangan, Farg‘ona viloyatlarida esa kuchli shamoldan tashqari qisqa muddatli yog‘ingarchilik va momaqaldiroq bo‘lishi ham kutilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)