Toshkent shahrida bunyod etilayotgan uchinchi halqa yo‘lining muhim bo‘lagi — Nurafshon ko‘chasining Beruniy shoh ko‘chasi (“Tinchlik” metro bekati)dan Chilonzor Oqtepa maydoniga qadar bo‘lgan 4,1 kilometrlik qismi O‘zbekiston mustaqilligining 25 yilligi arafasida qariyb tayyor holga keldi.
2016-yilning aprel oyida boshlangan qurilish ishlari doirasida sobiq Chig‘atoy Darvoza ko‘chasi kengaytirildi, Toshko‘cha ko‘chasidan boshlab Ko‘kcha dahasini kesib o‘tgan Mannon Uyg‘ur ko‘chasiga qadar butunlay yangi ko‘cha qurildi — kengaytirilgan va yangi qurilgan bu yo‘lning umumiy uzunligi 1,4 kilometrga teng.
Mannon Uyg‘ur ko‘chasidan boshlab esa Oqtepa maydoniga qadar harakatlanish bo‘laklari soni umumiy oltita bo‘lgan butkul yangi yo‘l qurildi, yo‘lning Oqtepa maydoniga tutash qismida sobiq Yesenin ko‘chasi kengaytirildi.Qayd etish joiz, Nurafshon ko‘chasining mazkur 2,7 kilometrlik bo‘lagida murakkab yo‘l qurilishi ishlari amalga oshirildi, xususan, Bo‘rijar kanali orqali suv quvurlari yotqizilib, undagi beton konstruksiya ustidan avtomobil yo‘li o‘tkazildi.
Mazkur yo‘l qurilishi ishlari “O‘zavtoyo‘l” AK “Avtomagistral birlashmasi” tomonidan olib borilmoqda.Nurafshon ko‘chasining Beruniy — Mannon Uyg‘ur ko‘chalari oralig‘idagi qismi transport qatnovi uchun tayyor, Mannon Uyg‘ur ko‘chasi — Oqtepa maydoni oralig‘idagi qismida esa ayni vaqtda asfaltning so‘nggi qatlami yotqizilmoqda.
Bundan tashqari, yangi yo‘lga yondosh hududlarda so‘nggi obodonlashtirish va ko‘kalamzorlashtirish ishlari davom etmoqda.Nurafshon ko‘chasi: Beruniy shoh ko‘chasidan Mannon Uyg‘ur ko‘chasiga qadar
Nurafshon ko‘chasi: Mannon Uyg‘ur ko‘chasidan Chilonzor Oqtepa maydoniga qadar
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)