Braziliya politsiyasi Rio–2016 Olimpiada o‘yinlarini yoritayotgan jurnalistlar avtobusining o‘qqa tutilishi ishini ochdi, biroq uning natijalari kechroq e’lon qilinadi. Bu haqda Rio–2016 tashkiliy qo‘mitasining jamoat bilan aloqalar bo‘limi direktori Mario Andrada jurnalistlarga ma’lum qildi, deb xabar bermoqda “TASS”.
Hodisa 9-avgust kuni kechki payt sodir bo‘lgandi. O‘qqa tutilgan avtobus ekspertizaga yo‘naltirildi.
“Ish ochildi, ammo axborot maxfiy saqlash nuqtai nazaridan uning tafsilotlarini e’lon qilmaymiz. Batafsil ma’lumot keyinroq e’lon qilinadi”, – dedi Mario Andrada.
Avtobusga qilingan hujum oqibatida ikki kishi – turkiyalik volontyor va belaruslik jurnalist yengil jarohat oldi. Politsiya ma’lumotiga ko‘ra, avtobusga toshlar otilgan. Oldinroq guvohlar o‘q ovozlarini eshitgandek bo‘lganini ma’lum qilgandi.
Izoh (0)