Qrimda avtobus jarlikka qulashi natijasida halok bo‘lganlar soni olti kishiga yetdi. Bu haqda Rossiy Tergov qo‘mitasining hududiy boshqarmasi saytida xabar berildi.
“Dastlabki ma’lumotlarga ko‘ra, voqea joyida to‘rt kishi, jumladan, yosh bola halok bo‘ldi, yana ikki yo‘lovchi kasalxonada vafot etdi. Qolgan jabrlanganlar og‘ir ahvolda shifoxonalarga yotqizildi, ba’zilar komada”, — deyiladi xabarda.
16 kishi, jumladan, haydovchi jarohat oldi. Ular orasida 5, 8 va 14 yoshdagi uch nafar bola ham bor, ulardan birining ahvoli og‘ir.
Eslatib o‘tamiz, voqea Alushta–Sudak–Feodosiya trassasining 50-kilometridagi Shchebetovka aholi yashash punkti yaqinida sodir bo‘lgan. Avtobus ariqqa tushib ketib, jarlikdan qulagan. Avtobus Sudakdan Kerchga ketayotgan edi.
Izoh (0)