Hindiston shimolidagi Uttar-Pradesh shtatida yuk mashinasining yo‘l bo‘yida uxlayotgan ziyoratchilar guruhi ustidan haydab o‘tilishi oqibatida yetti kishi halok bo‘ldi, yana o‘n nafari og‘ir jarohat oldi. Bu haqda shtat politsiyasi ma’lum qildi, deb xabar bermoqda “TASS”.
Hodisa 8-avgust kuni kechasi hindlar uchun muqaddas sanalgan Ayodxya shahri chetida sodir bo‘ldi. Bu yerga mamlakatning turli burchaklaridan diniy marosimni o‘tkazish uchun ko‘plab ziyoratchilar tashrif buyurgandi.
Haydovchi tezlikni oshirib, boshqaruvni yo‘qotdi va yo‘lni ajratib turuvchi chiziqda Kanpur shahridan kelgan ziyoratchilar ustidan yurib o‘tdi. Yetti kishi voqea joyida halok bo‘ldi. Jarohat olgan 10 kishidan 3 nafari og‘ir avholda ekani ta’kidlanmoqda.
Politsiya xodimlari haydovchini qo‘lga oldi. Voqea yuzasidan surishtiruv ishlari olib borilmoqda.
Izoh (0)