Portugaliya terma jamoasi hujumchisi Krishtianu Ronaldu Saudiya Arabistonining “An-Nassr” klubi bilan shartnomasini uzaytirishga yaqin turibdi. Bu haqda insayder Nikolo Skira o‘zining ijtimoiy tarmoqdagi sahifasida xabar berdi.
Ma’lumotlarga ko‘ra, so‘nggi haftalarda Ronalduga bir nechta klublar qiziqish bildirgan, biroq futbolchi faoliyatini riyodliklar safida davom ettirishga qaror qilgan. Tomonlar o‘rtasidagi muzokaralar yakuniy bosqichda bo‘lib, bu yaqin vaqt ichida rasman e’lon qilinishi kutilmoqda.
Yangi shartnoma 2026-yilning iyuniga qadar mo‘ljallangan va Ronaldu Saudiya Arabistoni Suveren jamg‘armasidan raqobatbardosh jamoa shakllantirish bo‘yicha barcha zarur kafolatlarni olgan. Bundan tashqari, Krishtianu “An-Nassr”ning transfer siyosatida faol ishtirok etadi va ayrim qarorlarni qabul qilishda o‘z fikrini bildiradi.
Izoh (0)