2015-yilning fevralida lotereyada uch million dolllar yutib olgan Amerikaning Jorjiya shtatida yashovchi Ronni Myuzik giyohvand moddalar savdosida ishtirok etganligi uchun qo‘lga tushdi. ABC News’ning ma’lum qilishicha, 45 yoshli erkak o‘z aybini tan oldi.
Tergovchilarning ma’lumotiga qaraganda, amerikalik metamfetaminni saqlash va tarqatish uchun boshqa shaxslar bilan kelishgan.
“Myuzik millionlab dollarni giyohvand moddalarni xarid qilish va sotishga tikib, omadini sinab ko‘rishga qaror qilgan. Noto‘g‘ri investitsiyaviy strategiya tufayli unga o‘n yillab qamoq jazosi xavf solmoqda”, — deya ma’lum qildi prokuror Ed Tarver.
Myuzik 2015-yilning sentabrida umumiy qiymati 500 ming dollar bo‘lgan 11 funtga yaqin (besh kilogramm atrofida) metamfetaminni sotishga uringan paytda qo‘lga olingan. Huquqni muhofaza qilish organlari tintuv davomida 1 million dollar miqdoridagi giyohvand moddalarni, o‘qotar qurol, minglab patronlar, bir nechta avtomobil va 600 ming dollar naqd pulni musodara qilgan.
Izoh (0)