Ijtimoiy tarmoqlarda xonanda Ravshan Komilov uyiga quyosh paneli o‘rnatgani, ammo uni tarmoqqa ulab berishmayotganidan shikoyat qilgan videosi tarqaldi.
Quyosh paneli qo‘yinglar, deyishayotgan edi, qo‘ydik. O‘rnatganimizga sakkiz kun bo‘ldi. Lekin uni tuman elektr tarmog‘iga ulash, kirdi-chiqdi, hisob-kitobini tushunadiganlarning saviyasi juda ham past. Sakkiz kundan beri sakkizta odam keldi, ilmi yo‘q, bir-birini tushunmaydi.
Rasmiylashtirib beringlar, desam, sistemani tushunadigan odam kam ekan. Ulab berishmayapti. Shuni kim hal qiladi, kim tekshiradi?, deya xonanda jamoatchilikka murojaat qilgan.
Holat yuzasidan “Hududiy elektr tarmoqlari” jamiyati matbuot xizmati izoh berdi.
Ravshan Komilov to‘yga taklif qilinmasa ham, boraveradimi? Xonanda tarmoqqa ulash bo‘yicha soliq ilovasi orqali o‘rnatilgan tartibda ariza qoldirmagani maʼlum bo‘ldi, deyiladi masʼul idora izohida.
Aytilishicha, Ravshan Komilovga elektr tarmoqlari xodimlari tomonidan tushuntirish ishlari olib borilgach, xonanda ariza qoldirgan.
Bugun, 2-iyul kuni Ravshan Komilov qilgan chiqishi xato ekani, u g‘azabda, tushunmovchilik natijasida xato gapirganini maʼlum qildi.
Men kechirim so‘rayotganim yo‘q. Hamma kamchilik quyosh panelini o‘rnatgan kishilarda. Ular bilan barcha hujjatlarni qilib berishni kelishgan edik. Lekin ular tuman elektr tarmoqlari korxonasiga ariza topshirmagan ekan, dedi u.
Xonandaning qo‘shimcha qilishicha, masʼul xodimlar 15 daqiqada quyosh panelini tarmoqqa ulab berishgan.
Izoh (0)