“Bu tirbandlikning oxiri bormi, ko‘zim og‘rib ketdi-ku!”. O‘rikzorda yuzaga kelgan tirbandlik videosi

Toshkent avtomobil halqa yo‘lining O‘rikzor bozori oldidan o‘tgan qismida 23-iyul, shanba kuni katta tirbandlik yuzaga keldi. Bu haqda Facebook’dagi “Voditelti Tashkenta (Drivers.uz)” guruhida videoxabar qoldirilgan.

Davomiyligi 1 daqiqa 29 soniya bo‘lgan videoning faqat oxirida avtomobillar siyraklashganini, ungacha avtomobillar zich tirbandlikda turganini ko‘rish mumkin.

“Tirbandlikdan yarim soat ichida chiqib ketdik”, — deya izoh qoldirgan shu tirbandlik ichida bo‘lgan guruh a’zolaridan biri.

Foydalanuvchilarning qayd etishicha, O‘rikzor bozori oldida deyarli har kuni shunday tirbandliklar kuzatiladi, dam olish kunlari esa bu tirbandliklar yanada kattalashadi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.