Milliarder, Berkshire Hathaway Inc. rahbari Uorren Baffet 21-iyul, payshanba kuni Bloomberg versiyasi bo‘yicha sayyoraning eng boy insonlari reytingida (Billionaires Index) uchinchi o‘rinni Amazon asoschisi Jeff Bezosga berib qo‘ydi. Bunga uning xayriya faoliyati sabab, deb xabar bermoqda “RBK”.
21-iyul holatiga ko‘ra Jeff Bezosning boyligi 65,1 milliard dollarni, Uorren Baffetning davlati esa 65 milliard dollarni tashkil etdi.
Iyul oyining o‘rtalarida 85 yoshli Baffet xayriya maqsadlariga 2,9 milliard dollar yo‘naltirdi. Jumladan, milliarder Bill Geyts va uning rafiqasi Melinda Geytsning jamg‘armasiga 2,2 milliard dollarlik aksiyalarni taqdim etdi.
Shunga qaramay, Berkshire Hathaway’ning A toifasidagi aksiyalari 9,4 foizga qimmatlashgani bois yil boshidan beri Baffetning boyligi 2,7 milliard dollarga ko‘paydi. Bezosning boyligi esa shu davrda 5,4 milliardga oshdi.
Izoh (0)