TATUda koreyalik hamkorlar bilan “Android tizimidagi dasturiy mahsulotlar” mavzusida seminar-trening bo‘lib o‘tdi

Toshkent axborot texnologiylari universiteti (TATU) va Koreya transport milliy universiteti (KNUT) o‘rtasida tuzilgan anglashuv memorandumiga asosan, 1–15-iyul kunlari 11 kishidan iborat (2 nafar professor rahbarligida 9 nafar talaba) ko‘ngillilar delegatsiyasi TATUga tashrif buyurdi. Bu haqda universitet matbuot xizmati “Daryo”ga xabar berdi.

Tashrif davomida koreyalik ko‘ngillilar tomonidan talabalar uchun Android operatsion tizimida ishlovchi mobil dasturlar yaratish mavzulariga oid trening kurslari tashkil etildi. Ushbu trening kurslarida TATU, Toshkent shahridagi Inha universiteti hamda TATU qoshidagi akademik litsey o‘quvchilaridan iborat 30 nafar talaba qatnashdi.

Tadbirning so‘nggi kunida “Android tizimidagi dasturiy mahsulotlar” ko‘rgazmasi bo‘lib o‘tdi. Ko‘rgazmaga Koreya transport milliy universitetidan 4 ta, Toshkent axborot texnologiyalari universitetidan 5 ta, Toshkent shahridagi Inha universiteti va axborot kommunikatsiya texnologiyalari sohasidagi kasb-hunar kollejlari hamda TATU qoshidagi akademik litsey o‘quvchilari tomonidan yaratilgan 6 ta dasturiy mahsulot qo‘yildi. Ko‘rgazmada ishtirok etgan kollej o‘quvchilari tomonidan tayyorlangan loyihalar ichidan 1-o‘rinni Fast kafe loyihasi, 2-o‘rinni XWING Runner loyihasi, 3-o‘rinni qolgan loyihalar egalladi.

Universitet rahbariyati Koreya transport milliy universiteti vakillari bilan kelgusida ushbu o‘quv trening-seminar va ko‘rgazma tadbirlarini davom ettirishni kelishib oldi.