Futbol bo‘yicha Rossiya terma jamoasi bosh murabbiyligiga nomzodlar e’lon qilindi. Bu haqda “Match TV” telekanaliga tayanib, “Stadion.uz” xabar bermoqda.
Qayd etilishicha, Rossiya futbol ittifoqi bosh murabbiylikka Stanislav Cherchesov, Qurbon Berdiyev va Aleksandr Borodyuk nomzodini ko‘rib chiqmoqda.
O‘tgan mavsumda Cherchesov “Legiya” klubi bilan Polsha chempionati va Kubogida g‘olib chiqdi. Berdiyev “Rostov” klubi bilan Rossiya chempionatida 2-o‘rinni egalladi. Borodyuk esa Qozog‘istonning “Qayrat” klubida ishlagan edi.
Yevro—2016 turniridagi muvaffaqiyatsiz o‘yinidan so‘ng Rossiya terma jamoasiga ustozlik qilgan Leonid Slutskiy bosh murabbiylik lavozimini tark etishi haqida xabar qilingandi.
Izoh (0)