Angliyaning “Manchester Yunayted” klubi bilan shartnoma imzolagan portugaliyalik mutaxassis Joze Mourinyo transfer bozorlarida shunchaki faol bo‘lib qolmay, balki eng ko‘p chiqim qiladigan murabbiylar reytingida 1-o‘rinni egalladi. Ro‘yxat “Sports.ru” tomonidan e’lon qilindi.
Mourinyo o‘zi faoliyat olib borgan “Chelsi”, “Inter” va “Real” klublarida transfer bozori uchun umumiy hisobda 903 million yevro sarflab yuborgan. Mutaxassis “Manchester Yunayted”dagi karyerasini ham uncha kamtar bo‘lmagan chiqimlar bilan boshladi.
Italiyalik mutaxassis Karlo Anchelotti “Milan”, “Chelsi”, “PSJ”, “Real” kabi jamoalardagi faoliyati davomida 881 millionlik futbolchilarni qo‘lga kiritgan. Bu raqamlarni murabbiy “Bavariya”dagi faoliyati davomida yanada ko‘paytirib boradi.
Transfer bozorlari uchun faoliyati davomida eng ko‘p pul sarf etgan mutaxassislar reytingida kuchli uchlikni Roberto Manchini yakunladi. O‘ntalikdan Manuel Pelligrini, Ser Aleks Fergyuson, Arsen Venger, Xosep Gvardiola, Diyego Simeone, Lui Van Gal, Yurgen Klopp kabi murabbiylar joy oldi.
Izoh (0)