Chaddagi qishloqqa quduq sovg‘a qilgan o‘zbeklar, Termizga kelgan chikagolik olimlar, narxi 37,2 mln so‘mgacha bo‘lgan gaz-ballonli Lacetti va kunning boshqa muhim yangiliklari

12-iyulning e’tiborga molik yangiliklari — “Daryo”ning kechki dayjestida.

1. Buyuk Britaniyaning bo‘lg‘usi bosh vaziri Konservativ partiya yetakchisiga aylandi. Buyuk Britaniya bosh vaziri Devid Kemeron, qirollik aholisi referendumda mamlakatning Yevropa Ittifoqidan chiqishi uchun ovoz berganidan so‘ng, iste’fo berishini ma’lum qilgan edi.

2. Chikagolik o‘zbeklar Chaddagi qishloqlardan birini ichimlik suvi bilan ta’minladi. Chikagolik o‘zbeklar tashabbusi bilan boshlangan “Buloq” loyiha doirasidagi Chaddagi chekka qishloqlardan biri ichimlik suvi bilan ta’minlandi.

3. Gaz-ballon uskunasi o‘rnatilgan Lacetti’larning O‘zbekistondagi savdosi kuzda boshlanadi. Bir marta gaz yonilg‘isi bilan to‘liq to‘ldirilgan bunday Lacetti soatiga 90 kilometrlik tezlikda 280 kilometrgacha, shahar ichida esa 230 kilometr yo‘l bosa oladi.

4. Chikago universiteti olimlari Termizga tashrif buyurdi. Olimlar Sherobod tumanidagi Jarqo‘ton (eramizdan avvalgi XV—X asrlar) ko‘hna shahrida bo‘ldi, u O‘zbekistondagi eng qadimiy shahar hisoblanadi.

5. Toshkent markazida navbatdagi Mercedes-Benz avtobusida yong‘in yuz berdi. O‘zi nega Toshkentda avtobuslar yonyapti?

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.