Чаддаги қишлоққа қудуқ совға қилган ўзбеклар, Термизга келган чикаголик олимлар, нархи 37,2 млн сўмгача бўлган газ-баллонли Lacetti ва куннинг бошқа муҳим янгиликлари

12 июлнинг эътиборга молик янгиликлари — «Дарё»нинг кечки дайжестида.

1. Буюк Британиянинг бўлғуси бош вазири Консерватив партия етакчисига айланди. Буюк Британия бош вазири Дэвид Кэмерон, қироллик аҳолиси референдумда мамлакатнинг Европа Иттифоқидан чиқиши учун овоз берганидан сўнг, истеъфо беришини маълум қилган эди.

2. Чикаголик ўзбеклар Чаддаги қишлоқлардан бирини ичимлик суви билан таъминлади. Чикаголик ўзбеклар ташаббуси билан бошланган «Булоқ» лойиҳа доирасидаги Чаддаги чекка қишлоқлардан бири ичимлик суви билан таъминланди.

3. Газ-баллон ускунаси ўрнатилган Lacetti’ларнинг Ўзбекистондаги савдоси кузда бошланади. Бир марта газ ёнилғиси билан тўлиқ тўлдирилган бундай Lacetti соатига 90 километрлик тезликда 280 километргача, шаҳар ичида эса 230 километр йўл боса олади.

4. Чикаго университети олимлари Термизга ташриф буюрди. Олимлар Шеробод туманидаги Жарқўтон (эрамиздан аввалги XV—Х асрлар) кўҳна шаҳрида бўлди, у Ўзбекистондаги энг қадимий шаҳар ҳисобланади.

5. Тошкент марказида навбатдаги Mercedes-Benz автобусида ёнғин юз берди. Ўзи нега Тошкентда автобуслар ёняпти?

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.