AnTuTu benchmarki 2016-yil o‘rtasining eng kuchli smartfonlarini aniqladi. Dastlabki besh o‘rinni Xitoy kompaniyalari zabt etib, Apple va Samsung’dan o‘zib ketdi, deb xabar bermoqda “Hi-Tech.Mail.ru”.
Reytingda birinchi o‘rinni OnePlus 3 egalladi. U benchmarkda 140 288 ball to‘pladi, ammo real hayotda u Samsung Galaxy S7 dan ortda qoladi degan fikr bor.
Ikkinchi o‘rinda — vivo Xplay 5 Elite; u birinchi o‘rin sohibidan 1582 ballga yoki 1,1 foizga ortda qoldi. Uchinchi pog‘onani LeEco Max2, to‘rtinchisini — Lenovo ZUK Z2 Pro band etdi, beshlikka Xiaomi Mi5 yakun yasadi
Samsung Galaxy S7 edge 134 599 ball ko‘rsatkich bilan (yetakchidan 5689 ball yoki 4 foizga kamroq) oltinchi o‘ringa ko‘tarila oldi, xolos. Undan keyin iPhone 6s keladi. Apple’ning yana bir smartfoni — iPhone SE to‘qqizinchi o‘rinni egalladi, bunda u Xitoyning ZTE AXON 7 smartfonidan biroz ortda qoldi; o‘nlikka Lenovo ZUK Z2 ham kirdi.
Shu tariqa, eng kuchli smartfonlar o‘nligidagi yettita o‘rinni Xitoy mahsuloti, ikkita o‘rinni AQSh gadjetlari, bitta o‘rinni Janubiy Koreya telefoni egalladi.
Izoh (0)