Denis Istomin “Uimbildon”dagi 1 ta g‘alabasi uchun 50 ming funt sterling ishlab oldi

Katta dubulg‘a turkumiga kiruvchi “Uimbildon” turnirining 2016-yilgi mavsumida ishtirok etayotgan o‘zbekistonlik tennischi Denis Istomin bugun — 30-iyun kuni 2-bosqich doirasida ispaniyalik Nikolas Almagroga qarshi kortga tushadi.

• O‘zbekistonlik tennischi Denis Istomin Rio–2016 Olimpiada o‘yinlari yo‘llanmasiga ega bo‘ldi

Afrikalik raketka ustasini ortda qoldirish uchun Denis Istomin besh set kurash olib bordi. U dastlabki ikki setni 4:6, 6:7 hisoblarida boy berib, shundan keyingina kambek amalga oshirdi va qolgan uch setni 6:4, 7:6, 6:3 hisoblarida o‘z foydasiga hal qildi.

O‘zbekistonlik tennischi birinchi bosqichdagi g‘alabasi uchun 10 reyting ochkosi ishlagandi. Bugun esa unda 45 reyting ochkogasiga ega bo‘lib olish imkoniyati bor.

30-iyun kuni Toshkent vaqti bilan 16:30 da Denis Istomin 50 ming funtini 80 mingga aylantirish hamda uchinchi bosqichga yo‘l olish uchun ispaniyalik Nikolas Almagro bilan bellashadi.

Dunyo tennis reytingida Denis Istomin 116-o‘rinni egallab turgan bo‘lsa, Nikolas Almagro 47-pog‘onada bormoqda. Ispaniyalik tennischi birinchi bosqichda braziliyalik Dutra da Silvani 5 set davom etgan o‘yinda mag‘lub etgandi.

Denis Istominning “Uimbildon”dagi eng yaxshi natijasi 2012-yilda qayd etilgan bo‘lib, o‘shanda tennischi 4-bosqichga qadar yetib borgan. Bu unga dunyo tennis reytigida 33-o‘ringa qadar ko‘tarilib olish imkonini bergandi.