Shisha sinig‘i bilan qurollangan permlik erkak oziq-ovqat do‘koni sotuvchisini garovga oldi. Politsiyachilar garovga olingan sotuvchini ozod qildi. Bu haqda, Rossiya IIV Perm o‘lkasi bo‘yicha matbuot xizmati vakilining ma’lumotiga tayanib, “RIA Novosti” xabar bermoqda.
Hodisa Perm o‘lkasining Sverdlovsk tumanidagi savdo pavilyonlaridan birida yuz berdi. 33 yoshli mahalliy fuqaro oziq-ovqat do‘koni binosiga qo‘lida shisha idish bilan bostirib kirdi. Keyin u idishni kassa apparatiga urib, singan parchani sotuvchi qizning tomog‘iga tiradi.
Jinoyatchi uni o‘ldirish bilan tahdid qilib, pul va oziq-ovqat mahsulotlari berishini talab qildi. Tezkor guruh 40 daqiqaga yaqin u bilan muzokara olib borib, sotuvchi qizni qo‘yib yuborishga ko‘ndirishga harakat qildi. Erkak rozi bo‘lmagach, uni qurolsizlantirish va qo‘lga olish bo‘yicha operatsiya o‘tkazildi. Hech kim jabrlanmadi.
Izoh (0)