Шиша синиғи билан қуролланган пермлик эркак озиқ-овқат дўкони сотувчисини гаровга олди. Полициячилар гаровга олинган сотувчини озод қилди. Бу ҳақда, Россия ИИВ Пермь ўлкаси бўйича матбуот хизмати вакилининг маълумотига таяниб, «РИА Новости» хабар бермоқда.
Ҳодиса Пермь ўлкасининг Свердловск туманидаги савдо павильонларидан бирида юз берди. 33 ёшли маҳаллий фуқаро озиқ-овқат дўкони биносига қўлида шиша идиш билан бостириб кирди. Кейин у идишни касса аппаратига уриб, синган парчани сотувчи қизнинг томоғига тиради.
Жиноятчи уни ўлдириш билан таҳдид қилиб, пул ва озиқ-овқат маҳсулотлари беришини талаб қилди. Тезкор гуруҳ 40 дақиқага яқин у билан музокара олиб бориб, сотувчи қизни қўйиб юборишга кўндиришга ҳаракат қилди. Эркак рози бўлмагач, уни қуролсизлантириш ва қўлга олиш бўйича операция ўтказилди. Ҳеч ким жабрланмади.
Изоҳ (0)