Turkiya prezidenti Rajab Toyyib Erdo‘g‘onning matbuot xizmati Dmitriy Peskovning Su-24 masalasidagi oxirgi bayonotiga izoh berishdan bosh tortdi. Bu haqda “TASS” xabar bermoqda.
Eslatib o‘tamiz, yaqindagina Kreml rasmiy vakili Dmitriy Peskov Erdo‘g‘on Rossiyaning Turkiya qiruvchisi tomonidan urib tushirilgan Su-24 samolyoti uchuvchisining halokati yuzasidan Putindan uzr so‘ragani haqida bayonot berdi.
“Biz hozircha bu mavzu bilan bog‘liq hech qanday ma’lumotni tasdiqlay yoki inkor eta olmaymiz. Bizga topshiriq yoki maktub matni kelib tushgani hamon rasmiy bayonot beriladi”, — dedi Turkiya prezidenti ma’muriyatining vakili agentlik muxbiri bilan suhbatda.
Ta’kidlanishicha, Turkiyadagi ayrim matbuot kanallari Erdo‘g‘onning Putinga yo‘llagan maktubi haqidagi xabarlar haqqoniyligini uqtirmoqda.
Izoh (0)