Iordaniyalik Omar Momanining ijodi butun dunyoda, xususan, O‘zbekistonda ham katta qiziqish bilan kuzatib boriladi.
Futbol olamida ro‘y berayotgan voqealarni ajoyib satirasi bilan rasmda aks ettira oladigan karikaturachining Twitter sahifasiga bir qator o‘zbekistonlik ishqibozlar obuna bo‘lgan.
Yevro—2016 vaqtida Omar Momani bo‘sh o‘tirgani yo‘q. Quyida Yevropa Chempionatiga atab u tomonidan chizilgan eng sara karikaturalar bilan tanishib chiqishingiz mumkin.
Islandiya vikinglari Portugaliya terma jamoasini qiyin ahvolda qoldirdi. Buning uchun ular Krishtianu Ronalduni qurolsizlantirib qo‘yishi kerak edi.
Rossiya va Angliya terma jamoasi muxlislari o‘rtasidagi to‘qnashuv haqida.
Daniyel Starrij va Jeymi Vardi zaxiradan maydonga tushib, Uelsning kunini ko‘kka sovurdi. Omar Momani buni quyidagicha tasvirladi. Unda Beylning ajoyib goli o‘z qimmatini yo‘qotgani yaqqol aks etgan.
Luka Modrich Turkiya darvozasini ishg‘ol qilayotgan vaziyatda O‘zan To‘fon sochlarini to‘g‘irlayotgani yaqqol ko‘rinib qolgandi. Bu Momaning e’tiboridan chetda qolib ketmadi.
Gratsiano Pelle va Emmanuel Jakkerini tomonidan urilgan gollar Belgiyani mana shu holga solib qo‘ydi.
Yevropa Chempionatlari tarixida to‘p surgan yoshi eng katta futbolchini biz Fransiyada ko‘rib turibmiz. Gabor Kiray qirchillama yoshdan o‘tganiga qaramay, Vengriyaning muvaffaqiyatlariga o‘z hissasini qo‘shib turibdi. Uning mashhur ishtoni haqida endi hamma biladi.
Angliya terma jamoasi guruhni Uelsdan keyin 2-o‘rinda yakunlagach, Qirolicha Yelizavetta II tojni Runiga emas, Beylga kiydirib qo‘ydi.
Kristian Fuks va David Alaba Krishtianu Ronalduga gap otayotgan vaziyat. Krishtianu Ronaldu omma oldida ayollar kolgotkisida ko‘rinish berdi. Shuningdek, Avstriyaga qarshi o‘yinda penaltidan gol ura olmay, e’tibor jalb qildi.
Ivan Rakitich, Luka Modrich, Mario Manjiukich o‘t o‘chiruvchilar rolida. Chexiyaga qarshi xorvatlar tuppa-tuzuk o‘ynab turgandi. Muxlislar stadionga pirotexnika vositalarini uloqtirib, xorvatiyaliklarning shashtini tushirib yubordi va o‘yin durang bilan yakunlandi.
Islandiya, Irlandiya kabi terma jamoalar guruh bosqichida jilla qursa 1 tadan g‘alabaga erishdi. Krishtianu Ronaldudek futbolchisi bor Portugaliya terma jamoasi esa bitta ham o‘yinni o‘z foydasiga hal qilmay, guruh bosqichidan eson-omon o‘tib oldi. Yana ayb jurnalistlardadek, Ronaldu ularning mikrofonini uloqtirib ham yubordi.
Germaniya terma jamoasi ustozi Ioxim Lyov tuppa-tuzuk ko‘ringani bilan, g‘alati qiliqlari bor ekani 2014-yilgi Jahon Chempionatida ko‘ringandi. Yevro—2016 da ham Lyov ommani zeriktirishni istamadi.
O‘z dugonasining muvaffaqiyatlaridan quvonmaydigan qizlar uchrab turadi. Omar Momani jamoadoshi Aaron Remzining goliga munosabat bildirayotgan Beylni mana shunday tasvirlashni istadi.
Ispaniya terma jamoasi nimchorak finalda Italiya bilan to‘qnash kelmaslikni istaganida, Serxio Ramos penaltidan gol urishi kerak edi. Ne qilsinki, uning “Real”dagi jamoadoshi Luka Modrich Xorvatiya safida bo‘lsa?! Modrich jamoa sardori Dario Srnaga Ramosning ehtimoliy zarba yo‘nalishini aytib berdi. Srna esa barchasini oqqizmay, tomizmay Subashichga yetkazdi. Natija Ramosning noaniq zarbasiga sabab bo‘ldi.
Fransiyada Uels terma jamoasi yetakchilari Beyl va Remzi mamlakat ishonchini to‘la oqlamoqda.
Izoh (0)