Kompaniyaning joriy yil ilk choragidagi sof foydasi ikki baravar qisqardi. Bu haqda Openinfo saytida maʼlumot berilgan.
O‘zbekistondagi eng yirik avtomobil ishlab chiqaruvchi kompaniyaning 2025-yil I chorakdagi moliyaviy ko‘rsatkichlari ochiqlandi. Yanvar—mart oylarida UzAutoMotors jami tushumlari 9,7 trillion so‘mni tashkil etgan. Bu miqdor o‘tgan yilning mos davridagiga (11,7 trillion so‘m) nisbatan 17 foizga kam.
Hisobot davrida kompaniya sof foydasi 637 milliard so‘m bo‘lgan. Mazkur ko‘rsatkich 2024-yil I choragidagi summadan (1,3 trillion so‘m) ikki baravar qisqargan.
Biroq foyda kamaysa-da xarajatlar ortgan. Yaʼni o‘tgan yil yanvar—mart oylarida 1 trillion 52 milliard so‘m, bu yilgi ilk chorakda 1 trillion 87 milliard so‘mdan ziyod chiqim qilingan.
Kompaniya avtomobillarni joriy yil yanvar—may oylarida o‘tgan yil mos davridagiga qaraganda 31 mingta kam sotgan. Chevrolet’ning yangi avtomobillar bozoridagi ulushi sezilarli darajada, yaʼni 90,2 foizdan 82,2 foizga pasaydi.
Avvalroq e’lon qilingan prezident qarorida UzAutoMotors kompaniyasi 2026-yil I choragida sotuvga chiqarilishi belgilangan.
Izoh (1)
баттар болсин