Dunyoning eng “baxtsiz” iqtisodiyotlari reytingida Venesuela yetakchilik qildi

Bloomberg agentligi tomonidan tuzilgan Baxtsizlik Indeksi (Misery Index) deb ataluvchi reytingda ketma-ket ikkinchi yil Venesuela yetakchilik qildi.

Indeks ishsizlik va inflyatsiya summasidan iborat. 2015-yilda Venesuelada ushbu ko‘rsatkichlar tegishli ravishda 6,8 foiz va 98,3 foizni tashkil etdi. 2016-yilda esa ular 152 foiz va 7,7 foizga yetishi mumkin.

Ikkinchi o‘rinni Argentina, uchinchi o‘rinni Janubiy Afrika Respublikasi, to‘rtinchi o‘rinni esa Gretsiya egalladi. “Eng baxtsiz” iqtisodiyotlar beshtaligiga Ukraina yakun yasadi.

Ro‘yxatning teskari tomoniga ekspertlar AQSh, Malayziya, Ruminiya, Buyuk Britaniya, Gonkong, Daniya, Xitoy, Janubiy Koreya, Tayvan, Yaponiyani joylashtirdi. Yetakchi uchlikka Shveysariya, Singapur va Tailand kiritildi, u yerda Bloomberg tahlilchilari hisob-kitolariga ko‘ra, nochorlik indeksi eng past ko‘rsatkichga ega.