Yevropa Chempionatlarining final bosqichida ilk marta ishtirok etayotgan Islandiya terma jamoasi turnirni sensatsion natija bilan boshladi. “F” guruhining 1-turida Portugaliyaga qarshi kurash olib borgan islandiyaliklar 1:1 hisobida durang o‘ynadi.
Uchrashuvning 31-daqiqasida Nani Portugaliya terma jamoasini hisobda oldinga olib chiqqan bo‘lsa, 50-daqiqaga kelib Birkir Byarnason uni tenglashtirishga muvaffaq bo‘ldi. Shundan keyin hisob boshqa o‘zgarmadi.
Ma’lumot uchun, Portugaliya terma jamoasi yarim himoyachisi Nani Yevropa Chempionatlari tarixidagi 600-golga mualliflik qildi. 500-golni urish ispaniyalik Xaviga, 400-gol esa fransiyalik Tyeri Anriga nasib qilgandi.
Islandiyaga qarshi bellashuvda portugaliyalik yarim himoyachi Krishtianu Ronaldu ketma-ket 4 ta Yevroda gol urgan futbolchiga aylanib olish imkoniyatini qo‘ldan boy berdi. U 2004-yilgi turnirda 2 ta, 2008-yilgisida 1 ta, 2012-yilda esa 3 ta gol urishga muvaffaq bo‘lgandi.
“E” guruhining 1-turidan keyin Vengriya terma jamoasi 3 ochko bilan peshqadam bo‘lib turibdi. 18-iyun kuni Vengriya va Islandiya terma jamoalari o‘zaro maydonga tushsa, Portugaliya Avstriyaga qarshi kurash olib boradi.
[wpse_match id="351142" show_title=1]
Izoh (0)