Евро—2016. Португалия мусобақанинг биринчи ўйинида дебютант Исландияни мағлуб эта олмади

Европа Чемпионатларининг финал босқичида илк марта иштирок этаётган Исландия терма жамоаси турнирни сенсацион натижа билан бошлади. «F» гуруҳининг 1-турида Португалияга қарши кураш олиб борган исландияликлар 1:1 ҳисобида дуранг ўйнади.

Учрашувнинг 31-дақиқасида Нани Португалия терма жамоасини ҳисобда олдинга олиб чиққан бўлса, 50-дақиқага келиб Биркир Бярнасон уни тенглаштиришга муваффақ бўлди. Шундан кейин ҳисоб бошқа ўзгармади.

Маълумот учун, Португалия терма жамоаси ярим ҳимоячиси Нани Европа Чемпионатлари тарихидаги 600-голга муаллифлик қилди. 500-голни уриш испаниялик Хавига, 400-гол эса франциялик Тери Анрига насиб қилганди.

Исландияга қарши беллашувда португалиялик ярим ҳимоячи Криштиану Роналду кетма-кет 4 та Еврода гол урган футболчига айланиб олиш имкониятини қўлдан бой берди. У 2004 йилги турнирда 2 та, 2008 йилгисида 1 та, 2012 йилда эса 3 та гол уришга муваффақ бўлганди.

«E» гуруҳининг 1-туридан кейин Венгрия терма жамоаси 3 очко билан пешқадам бўлиб турибди. 18 июнь куни Венгрия ва Исландия терма жамоалари ўзаро майдонга тушса, Португалия Австрияга қарши кураш олиб боради.

[wpse_match id="351142" show_title=1]