2016-yilgi Yevropa Chempionatining so‘nggi — “E” guruhida 1-turning birinchi o‘yini o‘z yakuniga yetdi va unda Vengriya termasi Avstriyani 2:0 hisobida mag‘lub etdi.
Uchrashuvning 62-daqiqasiga kelib Adam Soloi vengerlarni hisobda oldinga olib chiqqan bo‘lsa, 87-daqiqaga kelib Zoltan Shtiber Robert Almer qo‘riqlayotgan darvozasini ikkinchi bor aniq o‘qqa tutdi.
Qayd etish kerak, Vengriya terma jamoasi 1:0 hisobida oldinda borayotgan 67-daqiqaga kelib avstriyalik Aleksandr Dragovich ikkinchi sariq kartochka evaziga maydondan chetlatildi.
Vengriya terma jamoasi sharafini himoya qilgan darvozabon Gabor Kiray Yevropa Chempionatlarida to‘p surgan yoshi eng katta futbolchi sifatida tarixga kirdi. Avstriyaga qarshi uchrashuvda vengriyalik posbon 40 yosh 74 kunlik edi.
Avstriya darvozasiga kiritilgan birinchi gol muallifi Adam Soloi esa Germaniyaning “Gannover” klubi va Vengriya terma jamoasi safida 39 ta o‘yindan buyon gol ura olmay kelayotgandi. 40-uchrashuvga kelib u jamoasiga g‘alaba keltirgan golini nishonladi.
“E” guruhidagi ikkinchi juftlikla Portugaliya va Islandiya terma jamoalari o‘rtasidagi o‘yin 14 iyundan 15 iyunga o‘tar kechasi 00:00 da start oladi.
[wpse_match id="351139" show_title=1]
Izoh (0)