Namangan shahrida 2002–2004-yillarda tavallud topgan bolalar va o‘smirlar o‘rtasida Odil Cup–2016 futbol festivali bo‘lib o‘tdi. Bu haqda “Krasnodar” futbol klubi rasmiy sayti xabar bermoqda.
Mazkur turnir Namangan shahrida tug‘ilib o‘sgan, futbol bo‘yicha O‘zbekiston termasi hamda “Krasnodar” klubi yarim himoyachisi hisoblangan Odil Ahmedov sharafiga nomlandi. Odil Ahmedov bilan birgalikda Namangan futbol federatsiyasi, “Navbahor” futbol klubi, Imkon Plus kompaniyasi hamda “Championat.asia” sayti ushbu turnirning tashkilotchisi bo‘ldi.
Musobaqaning ochilish va yopilish marosimida Ahmedov va uning oila a’zolari qatnashdi. Tajribali yarim himoyachi g‘olib va sovrindorlarni taqdirlash marosimida ham bevosita ishtirok etdi.
Odil Cup turnirini har yil o‘tkazalish rejalashtirilgan.
Izoh (0)